“22” декабрь 2022-ж Жан- Булак айылы
Жан-Булак айыл аймагынын айылдык Кеӊешинин
ХХVIII чакырылышынын кезексиз сессиясынын
№ 27 ТОКТОМУ
Жан-Булак айыл аймагындагы “ Кызыл- Зоо- Достук” суу пайдалануучулар ассоциациясынын ирригациялык, дренаждык тутумдарын жана суу чарба курулмаларын муниципалдык менчикке алууга макулдук берүү жөнүндө
Кыргыз Республикасынын айрым мыйзам актыларынын 2021- жылдын 10- декабрындагы Суу Кодексинин № 151 мыйзамынын 16- беренесине ылайык, Жан-Булак айыл аймагындагы “ Кызыл- Зоо- Достук” суу пайдалануучулар ассоциациясынын кеӊешинин № 1 протоколу жана зоналдык өкүлдөр жыйынынын № 2 протоколунун негизинде Жан-Булак айылдык Кеӊеши “ Кызыл- Зоо- Достук” суу пайдалануучулар ассоцияциясынын ички чарбалык ирригациялык, дренаждык тутумдарын жана суу чарба курулмаларын Жан-Булак айыл өкмөтүнүн муниципалдык менчикке алуу боюнча карап, таанышып Жан-Булак айылдык Кеӊеш токтом кылат:
- Айыл аймактагы ички чарбалык ирригациялык, дренаждык тутумдарын жана суу чарба курулмаларын муниципалдык менчикке алууга макулдук берилсин.
- Ирригациялык курулмаларды мунициплдык менчиктин объектиси катары реестрге киргизилсин.
- Ирригациялык кызмат көрсөтүүлөр үчүн акынын наркы бекитилсин.
- Ирригацияны өнүктүрүү боюнча Жан-Булак айыл аймагынын программасы иштелип чыксын.
- Токтом айыл өкмөтүнүн сайтына жайгаштырылып, юстиция органына мамлекеттик реестрне киргизүү үчүн жиберилсин.
- Бул токтомдун аткарылышы жана көзөмөлдөө жагы айыл өкмөтүнүн башчысы У. Боскунчиевге жүктөлсүн.
Төрага Э. Мамбеткулов